Ataatsimut isigalugu tusagassiisarnermut inatsisip atuutereersup Danmarkimiit nunatsinnut akisussaaffigineqarnera nuuttussanngorpoq, tamatumalu malitsigisaanik nunatsinnut naleqqussarneqarsinnaanerulerluni. Taamaasinera aamma KNR-miit ilassilluarparput naatsorsuutigalutigulu nunatsinni tusagassiuteqarnertigut mediaqarnertigullu ineriartorneq ineriartorteqqinneqarumaartoq. Nunarpummi illoqarfissuartut pissusilersorfiunngilaq tusagassiornertigullu mianersorfissaqarnerulluni. Assersuutigalugu KNR-mi tusagassiornertigut ileqqorissaarnissatigut maleruagassani immikkut naleqqussaasimavugut tusallatsiakkat ilaatigut pisartut pillugit. Imalu allaqqasoqarpoq:
’KNR-ip sulisuisa inunnut ataasiakkaanut tunngasut tusallatsiakkat uppernarsineqanngitsut (rygter) mianersuulluinnarlugit sammissavaat. Aatsaat tusallatsiagaq uppernarsineqanngitsorli ’kikkunnit tamanit’ ilisimaneqartutut isikkorqarpat, aaqqissuisoqarfik nalilersuisinnaavoq pineqartoq sammi-neqassanersoq, siullertullu inuttaa pineqartoq attavigineqassaaq tusallatsiagaq uppernarsarneqarsin-naanersoq imaluunniit ilumuunnginnersoq erseqqissiniarlugu. Periarfissatut tullertut misissorneqaassaaq tusallatsiakkap uppernassusaa pisortatigut allaffeqarfiit imaluunniit suliffeqarfiit. Nalornisoornikkut tusagassiortup pisortani attaveqarfigissavaa.’
Illit qanoq isumaqarpit?
Tusallatsiakkat ilumoortuusinnaasarlutillu ilumoortuusanngillat- tusagassioriaaseq tutsiviginartuussuseqartussaavoq, taamaattoq tusagassiortoq aamma alaatsinaattuusussaavoq, tusallatsiakkat kikkut tamat tusannginneranni misissuisoqartassasorinarpoq- taamaariinngikkuni ullumikkut.
Inussiarnersumik inuulluarit.
L. Grønvold.
Posted by: Linda | 16-03-07 at 15:17
Asasara Linda,
Qujanaq qisuariaaternut. Aap - tusallatsiakkanuku nuna tamakkerlugu tusagassiorfiulluni mianernarsinnaasut ilaatigullu uppernarserusunnarsinnaallutik. Tusagassiorfeqarporli ilaatigut tusagassiortulinnik soorlu tusallatsiakkat uppernarsinagilluunniit 'eqqoriaaginnalersartut', annertuumillu siammarterilersarlutik inuttaanut pineqartunut innarliisinnaasumik. Ingammik tusagassiortut pisussaaffeqarput ileqqorissaarnissap tungaatigut. KNR-mi tamanna erqumaffiginiarsaraarput ileqqorissaarnissatigut maleruagassiornertigut. Sunami tamarmi inatsiliuunneqarsinnaanngimmat.
Inussiarnersumik
Lars Lennert-Sandgreen
Posted by: Lars | 24-03-07 at 14:22